Sarah Berisha ishte një nga vajzat më të ëmbla brenda shtëpisë së “Big Brother Vip” e cila me karakterin e saj bëri që shumë ndjekësit ta përkrahnin atë. Ajo krijoi një lidhje dashurie brenda shtëpisë me Dj.Pm, lidhje kjo mjaft e komentuar në mediat rozë e cila vazhdon edhe jashtë dyerve të spektaklit.
Pas daljes nga shtëpia, Sarah është zgjedhur si moderatore e “Kosherja Show” në shoqërinë e Bes Kallakut duke e zgjeruar kështu karrierën e saj tashmë jo vetëm si blogere por edhe si moderatore.
Gjatë qëndrimit në shtëpi, ajo ka përmendur shpesh-herë edhe të motrën, një tjetër blogere e njohur për publikun shqiptar, Ditea Berisha.
Kjo e fundit ndiqet nga një numër i madh njerëzit dhe shpesh realizon edhe intervista të ndryshme me to. Në një pyetësor të bërë në rrjetin e saj social Instagram, ajo është pyetur nëse do të bëhej pjesë e “Big Brother 2” dhe ajo është shprehur: “Nëse do më vijë ftesa pse jo”.
Si duket, Diteas nuk i mungon dëshira të bëhet pjesë e një formati të tillë nisur edhe nga eksperienca e së motrës, por mbetet për tu parë nëse ajo do të jetë një nga emrat e zgjedhur të produksionit në listën e konkurrentëve.
Discussion about this post