Një lamtumirë e shtrenjtë për Juventusin, që mund të arrijë deri në 15 milionë euro. Në orët e fundit, klubi ka filluar të kërkojë një trajner të ri për të zëvendësuar Thiago Motta, pas një periudhe me rezultate të pakënaqshme. Siç raportohet nga “Corriere dello Sport”, marrëveshja me Motta, e vlerësuar në 5 milionë euro neto për sezon, përfshin një klauzolë shpërblimi në rast të shkarkimit brenda dy sezoneve të para.
Përveç shpenzimeve për shkarkimin e Motta, klubi bardhezi do të duhet të llogarisë edhe kostot për të sjellë një trajner dhe staf të ri, çka nënkupton shpenzim të konsiderueshëm. Juventusi kërkon një udhëheqës teknik të nivelit të lartë, që mund ta udhëheqë ekipin drejt objektivave të mëdha, me synimin kryesor kualifikimin në Ligën e Kampionëve.
Në këtë situatë, një aspekt i rëndësishëm do të jetë ngarkesa financiare që do të ketë ky ndryshim në bilancin e klubit. Sipas raportit të gazetës së sipërcituar, Juventusi mund ta përballojë këtë shpenzim.
Gjendja financiare e klubit është përmirësuar, me rezultate pozitive financiare në gjysmën e parë të vitit, duke treguar një fitim neto prej 16.9 milionë eurosh, pas disa vitesh humbjesh. Megjithatë, pritet që fundi i këtij sezoni të mos sjellë fitime, por gjithsesi menaxhimi po përmirësohet dhe Juventusi po shkon në drejtimin e duhur ekonomik.
Discussion about this post