Granit Xhaka pritet të transferohet te Roma në merkaton e janarit ose të paktën kështu raporton ‘Corriere dello Sport’.
Kapiteni i kombëtares zviceriane ka kohë që ndiqet nga trajneri Jose Mourinho dhe gjatë merkatos së verës ishte shumë afër kalimit te klubi i Seria A, megjithatë Arsenal vendosi që të rinovonte kontratën me liderin e skuadrës së vetë.
Megjithatë në Itali raportohet se ‘Verdhekuqtë’ do të bëjnë një tjetër ofertë për mesfushorin me origjinë shqiptare, e cila pritet të jetë e pëlqyeshme si për Xhakën ashtu edhe për ‘The Gunners’.
Rikujtojmë se Granit Xhaka ka disa javë që qëndron jashtë fushave për shkak se ka marrë një dëmtim në ligamentin e gjurit dhe ende nuk dihet se kur do jetë në gjendje të luajë./K.T/Gijotina.com
Discussion about this post