Trajneri i Romës, Jose Mourinho, i ka dhënë mundësinë Marash Kumbullës për të rifituar një vend në skuadër pas përjashtimit në sfidën e fundit ndaj Napolit.
Qendërmbrojtësi është i vetmi nga lojtarët e përjashtuar që ka marrë një thirrje për takimin në transfertë në Cagliari dhe ‘Il Corriere dello Sport’ pretendon se atij i është dhënë një shans për një fillim të ri.
Gazeta thekson faktin se Kumbulla është i vetmi qendërmbrojtës i disponueshëm për stolin kundër ‘Kuqebluve’ në Sardenjë, me Chris Smalling që pritet të rikthehet në fund të nëntorit.
Por Kumbulla tani është në një pozicion që duhet ta shfrytëzojë në avantazhin e tij, të jetë gati në rast se trajneri ka nevojë për të dhe ta bëjë Mourinhon të harrojë të gjitha gabimet e bëra në Norvegji./K.T/Gijotina.com
