Në konferencën për mediet pas fitores 4-1 ndaj Feyenoord dhe kualifikimit në gjysmëfinale të Europa League trajneri i Romës, Jose Mourinho, ka folur edhe për përballjen që e pret ndaj ekipit gjerman Bayer Levekusen, të cilën e ka cilësuar si të veshtirë.
“A vazhdon ëndrra? Po, është e vërtetë. Ndjeva krenari të madhe për djemtë. Ndjeja se tifozët mund të shkonin në shtëpi të pikëlluar për humbjen, por të lumtur me ndeshjen dhe me Romën. Pastaj, kur fiton, vjen gëzimi, e merituam. Jo vetëm sot edhe në ndeshjen e parë. Rezultat i merituar.
Përballja me Leverkusen? Ekipi i madh, një ekip vrapuesish, ata shënojnë shumë lehtë. Ata kanë një trajner të ri, por ai është shumë inteligjent dhe ka shumë përvojë si lojtar. Do të jetë shumë e vështirë”, deklaroi ndër të tjera Mourinho.
Discussion about this post