Jose Mourinho, tekniku i njohur i skuadrës së Romës, është nga ata personazhe të futbollit që nuk kursehet aspak, në raste kur ka për të bërë kritika ose për të drejtuar gishtin e akuzës, në rastet që ekipi i tij penalizohet nga vendimte e arbitrave, duke pësuar shpesh herë, dhe “goditje” nga ana e organeve të drejtësisë sportive, me dënime nga më të ndryshmet.
Edhe në intervistën e fundit, portugezi nuk e ka kursyer ironinë, kur është pyetur për finalen e Europa League, të humbur ndaj Seviljas, në maj të këtij viti.
“FINALJA Roma-Sevilja ? Nëse them atë që mendoj… marr dhjetë ndeshje skualifikim”. Kështu José Mourinho , trajneri i Romës, i rikthehet humbjes në finalen e Europa League në një video për rrjetin mediatik SKY, ku është dhe testimonial i kompanisë për kupat e Europës.
“Nuk kam qarë kurrë në fushë pas një disfate, ndonjëherë qaj pas një fitoreje dhe këto të dyja kanë qenë historike për Romën”, shtoi trajneri portugez për dy finalet evropiane me Romën, atë që fituan në Ligën e Konferencës kundër Feyenoord, në Tiranë dhe atë të humbur ndaj Sevillas në Europa League.
Me pak fjalë, Mou, në qendër të polemikave në Itali për nisjen e kampionatit Giallorossi në pozitën 1 të renditjes pas tre ditësh, nuk harron të shkuarën e afërt, duke kujtuar se, pavarësisht situatës aktuale, dy sezonet e tij të mëparshme e kanë sjellë Romën, të luajë në dy finale evropiane. Një synim që në ato anë nuk është tamam në rendin e ditës…
Discussion about this post