Trajneri i Romës, Jose Mourinho u përball me gjyqtarin Luca Pairetto pas humbjes 1-0 së ‘Verdhekuqve’ në Bologna.
Mourinhos nuk i pëlqeu arbitrimi i Pairettos. 37-vjeçari ndëshkoi Tammy Abraham dhe Rick Karsdorp, që do të thotë se ata do të humbasin ndeshjen e së shtunës në Serie A kundër Interit.
Nicolo Zaniolos iu dha gjithashtu një karton i verdhë, duke bërë që Mourinho t’i sugjeronte yllit italian të largohej nga Seria A.
Sipas ‘Il Corriere dello Sport’, Mourinho është përballur me arbitrin në tunelin e Stadio Dall’Ara, duke kërkuar një shpjegim për vendimet e tij.
Mourinho ishte dukshëm i frustruar gjatë intervistës së tij pas ndeshjes me DAZN, ku ai pretendoi se duhej të zëvendësonte Gianluca Mancini për të shmangur një tjetër karton të verdhë që do të çonte në një pezullim për ndeshjen e ardhshme.
Ai mbaroi intervistën pasi tha Zaniolo duhet të konsideronte largimin nga Seria A dhe ndërsa gazetari ishte gati të bënte një pyetje tjetër ai u largua./K.T/Gijotina.com
Discussion about this post