Tashmë është zyrtarizuar edhe afrimi i trajnerit portugez Jose Mourinho, në futbollin saudit, megjithatë, tekniku I nhjohur nuk do marrë drejtimin e asnjë klubi në Saudi Pro League.
Dy herë fituesi i Champions League nuk do shkëpututet nga Roma. Trajneri portugez, “thjesht”, është kthyer në këshilltarin e ri për futbollin vendas, me një kontratë që e sheh atë të punojë me pjesëtarë të familjes mbretërore, por pa u shkëputur nga drejtimi i verdhekuqve.
Mourinho do të jetë pjesë e Mahd Sports Academy, e krijuar nga princi Abdulaziz bin Turki al-Faisal, për të kërkuar dhe vlerësuar talentet vendase. Vetë princi i kurorës, Mohamad bin Salman, ka miratuar këtë emërim, me “Special One” i cili do të jetë pjesë e bordit drejtues të këtij organizmi.
Trajneri portugez, bashkë me grupin tjetër drejtues, do të mbikëqyrë punën e skautëve të emëruar nga sauditët për të vlerësuar lojtarë të rinj, në mënyrë që përtej afrimit të yjeve nga e gjithë bota siç po ndodh aktualisht në kampionatin vendas, të dalin në pah edhe talentet. Më pas do të ndërtohet një strategji për aktivizimin e tyre, në mënyrë që të mësojnë sa më shumë nga këto kampionë.
Discussion about this post