Në ndeshjen Teuta-Partizani, e fituar nga “demat”, mund të themi se arbitri, Kreshnik Bajramaj u tregua i saktë në shumicën e vendimeve.
11’ Ildi Gruda del përballë Rexhepit, i cili shkakton faull. Arbitri vazhdon lojën. Pas konsultimit me VAR-in, Bajramaj vendos vazhdimin e lojës. Pamjet tregojnë se arbitri ka pasur të drejtë, pasi Gruda është në pozicion jashtë loje dhe Sota nuk e ka prekur topin, që e fuste në lojë.
40’ Matondo rrëzon Lorenco Vilën në zonë. Pretendohet për penallti nga Teuta, por në pamje u duk se është thjesht një dyluftim trup me trup.
45’ Lorenco Vila tenton portën dhe Hadroj devijon topin me dorë. Barjamaj nuk akordon penallti edhe pas kontaktit me VAR-in. Rregullorja thotë se çdo prekje me dorë e mbrojtësit, qoftë edhe e paqëllimshme, kur dora është drejt me supin ose më lart, konsiderohet penallti. Ky interpretim i rregullores i jep të drejtë Barjamajt, pasi dora e Hadrojt ishte në pozicion natyral dhe ai nuk bëri asnjë lëvizje të qëllimshme për të penguar topin.
Discussion about this post