Mozzik, është një ndër reperët më të pëlqyer në estradën Shqiptare. Pas romancës së komplikuar që pati me reperen Loredana Zefi, disa javë më parë Mozzik është shprehur se ishte single por gjërat paskan ndryshuar për këngëtarin.
Ai i ka habitur të gjithë me postimin e tij të fundit në rrjetet sociale. Teksa ka pozuar brenda një makine ‘cabriolet’ duke buzëqeshur, Mozzik shkroi:
“Kjo verë nuk do të na gjejë beqar”, duke e lënë të nënkuptojnë se mbase artisti e ka gjetur vajzën që i ka rrëmbyer zemrën ose është në kërkim por që siç e tregon dhe Mozzik, është e sigurt që beqar nuk do të jetë.
Rikujtojmë se mbrëmjen e së premtes, Mozzik do të performonte në Tiranë, mirëpo policia ka ndërprerë performancën e tij. Arsyeja e këtij ndalimi të papritur të policisë, kur kufizimet për muzikën e jetën e natës janë hequr nuk dihet.
Discussion about this post