Interi i Milanos është i fokusuar kryesisht në përgatitet për ndeshjen e rëndësishme të javës së ardhshme në Champions League përballë Benficës së Lisbonës por deri atëherë i duhet të përqendrohet në Serie A në sfidën që e vendos përballë skuadrës së Salernitanës.
Simone Inzaghi duhet patjetër të marrë rezultat pozitiv, duke parë që në kampionat, fitorja dhe barazimet mungojnë prej tre takimesh. Ecuria negative ka bërë që zikaltërit të zbresin në pozitën e katërt në kampionat, me drejtuesit që nuk kanë mbetur të lumtur nga kjo gjë.
Ndaj Salernitanës, pra, nuk lejohen hapa false dhe Interi për këtë arsye do të zbresë në fushë me më të mirët.
Në 3-5-2 e tij, Inzaghi më në fund ka hequr dorë nga fiksimi i tij “shekullor”, Gagliardini, duke i dhënë një fanellë titullari Kristjan Asllanit, pas muajsh të tërë injorimi pa arsye.
Kjo gjë ka kënaqur pa masë të gjithë tifozët shqiptarë të Interit dhe jo vetëm duke parë që bëhet fjalë për një element të rëndësishëm të kombëtares tonë.
Asllani në këtë ndeshje shpreson t’i tregojë trajnerit se e meriton të luajë më shpesh si titullar.
Takimi Salernitana-Inter starton në orën 17:00 të ditës së sotme (7 prill).
Discussion about this post