Beratasi, Myrto Uzuni, bëri kalimin e madh në karrierën e tij futbollistike, teksa nga kampionati hungarez u transferua në La Liga.
Granada është skuadra e tij e re, ku sulmuesi i kombëtares duhet të dëshmojë se jo më kot e meriton të luajë në një nga kmapionatet më të mëdha europiane.
Trajneri i Granadas është shumë i lumtur që ka fatin të ketë nën urdhrat e tij një sulmues si Uzuni për të cilin nuk nguron ti shpreh elozhe, teksa e shikon shqiptarin si shumë të rëndësishëm në të ardhmen dhe fakti që Uzuni është përballur në garat europiane me skuadra si Barcelona dhe Betis është një plus për të.
“Gjatë karrierës së tij Uzuni ka luajtur kundër Barcelonës apo Betisit në kompeticionet europiane. Kjo gjë i jep një bagazh dhe një ritëm loje që do t’ia bëjë më të lehtë. Ai mund të na ndihmojë shumë në të ardhmen”, ka theksuar Moreno në konferencën për shtyp.
Discussion about this post