Ministria e Shëndetësisë ka treguar se në 24 orët e fundit kurba e të infektuarve në vendin tonë ka pësuar rritje. MSH raportoi se nga 3,696 testime kanë rezultuar 343 qytetarë të infektuar, gati 100 më shumë se një ditë më parë, Po kështu janë shënuar dhe 2 humbje jete në 24 orët e fundit.
Aktualisht në spitalet COVID po marrin trajtim 123 pacientë, nga të cilët 12 janë në gjendje më të rënduar. Me gjithë përpjekjet e mjekëve, në 24 orët e fundit ka 2 humbje jete me SARS-COV2 pozitiv: Dy qytetarë nga Tirana 66 dhe 76 vjeç. Sipas informacioneve, janë shëruar 333 qytetarë gjatë 24 orëve të fundit, duke e çuar numrin e të shëruarve në 198,263 që nga fillimi i epidemisë.
Discussion about this post