U luajtën këtë të martë 3 sfidat e para të vlefshme për fazën “Play-Off” të UEFA Champions League, ku u regjistruan në total 6 gola. Antuerpi i Arbnor Mujës, mposhti me rezultatin 1-0, AEK-un e Athinës, në një duel tepër të luftuar.
Goli i Jansen në minutën e 16-të i dhuroi fitoren belgëve, që mbetën me 10 lojtarë prej minutës së 51-të. Ndërkohë për sa i përket sulmuesit shqiptar, Arbnor Muja, ai e nisi nga stoli duke u aktivizuar në minutën e 71-të të sfidës në vend të autorit të golit Jansen.
Fitore të artë arriti në transfertë edhe Kopenhagen, në duelin ndaj polakëve të Rakov Çeshtoçova. Golin e fitors skuadrës daneze ia dhuroi Racovitan, që shkaktoi autogol.
Ndërkohë në duelin tjetër mes Rejnxhërs dhe PSV-së, u prodhuan plot 4 gola, por nuk pati fitues, pasi sfida përfundoi me shifrat e barabarta 2-2. Sima dhe Matondo shënuan për skocezët, ndërkohë që Sangare dhe De Jong barazuan në të dyja rastet te holandezët e PSV-së.
REZULTATET:
ANTUERP – AEK 1-0
RAKOV ÇESHTOÇOVA – KOPENHAGEN 0-1
REJNXHËRS – PSV 2-2
Discussion about this post