Aktorja 63-vjeçare e thriller-it erotik ‘Basic Instinct’, Sharon Stone është parë së fundmi në shoqërinë e reperit 25-vjeçar RMR. Raportohet se dyshja shoqërohen prej disa muajsh dhe diferenca prej 40 vitesh nuk konsiderohet aspak problem për çiftin.
Edhe pse dyshja nuk ka pranuar të flasë zyrtarisht për lidhjen mes tyre ata janë shfaqur bashkë në bare si “Delilah” dhe “The Highlight Room” në Los Angeles, madje raportohet se kanë kaluar dhe pushimet në shoqërinë e njeri- tjetrit. Ata kanë postuar edhe foto sëbashku, ku në një prej fotove të shpërndara në Instagram reperi i ka hedhur Sharon dorën në qafë ndërsa në një tjetër foto , Stone mban veshur një nga maskat e famshme të reperit. RMR – emri i vërtetë i të cilit nuk njihet publikisht – mban gjithmonë maska skiatorësh në videot e tij. Burimi pranë çiftit shton gjithashtu se reperi beson se lidhja e tij është “moderne e interesante”. “Ata po e shijojnë shoqërinë e njëri-tjetrit. Janë të dy në një frekuencë dhe miqësia e tyre është unike”, thotë burimi .
Sharon është një nga fytyrat më të njohura në botë pas gati 40 vitesh në “show-business”, kurse reperi është bërë i famshëm me hitin ‘Rascal’ në vitin 2020 dhe pas kontratës me Warner Records ka publikuar albumin e tij ‘Drug Dealing’.
