Partneri i Kourtney Kardashian, Travis Barker, ka treguar se tashmë mund të udhëtojë sërish me avion 12 vite pasi i mbijetoi një aksidenti tragjik.
Në Shtator 2008, artisti 45-vjeçar hipi në një aeroplan privat në Karolinën e Jugut për t’u drejtuar në zonën e Los Angeles. Avioni i vogël kapërceu pistën dhe goditi një argjinaturë, duke shpërthyer në flakë. Travis dhe shoku i tij Adam “DJ AM” Goldstein shpëtuan përmes një dalje emergjente. Ata ishin të vetmit që i mbijetuan përplasjes dhe pësuan djegie të rënda. Katër personat e mbetur, duke përfshirë edhe dy miq të tjerë të Travis Barker ndërruan jetë.
Ndërkohë së fundmi ai ka bërë një postim në Twitter, që tregon se e ka tejkaluar frikën pas këtij aksidenti.
“Mund të fluturojë sërish”, ka shkruar ai shoqëruar me emojin e një avioni.
Rokeri i famshëm nuk ka fluturar më kurrë pas atij aksidenti dhe kur i është dashur të shkojë në koncerte ka udhëtuar me autobuzë ose me traget. Pas atij aksidenti të rëndë, Travis qëndroi i shtruar në spital për 3 muaj dhe u trajtua për djegie të shkallës së tretë në 65% të trupit. Barker iu nënshtrua 26 operacioneve dhe transplanteve të shumta të lëkurës për të trajtuar djegiet e tij. Sot ai është i mbijetuari i vetëm i rrëzimit. Më pak se një vit më vonë, DJ AM, i cili gjithashtu pësoi djegie të rënda në aksident, vdiq nga mbidoza e një ilaçi në moshën 36 vjeçare.
