Gjigandët e La Ligës Spanjolle të Real Madrid nuk kanë ndërmend të dorëzohet për sulmuesin Kylian Mbappe, të cilin po insistojnë ta transferojnë gjatë merkatos të kësaj vere.
“Cadena Ser”, ka njoftuar këtë Premte se Real Madrid ka përgatitur një ofertë prej 120 milionë eurosh për ta bindur Paris Saint-Germanin në lirimin e sulmuesit.
Ditë më parë, te PSG-ja konfirmuan qëndrimin e Mbappes në klub për sezonin e ri pas transferimit të Lionel Messit, por te Reali janë të vendosur të shfrytëzojnë çdo mundësi në përpjekje deri në fund të dritares së kësaj merkatoje.
Mbappe ka refuzuar rinovimin e kontratës me ekipin francez që i skadon vitin tjetër. 22-vjeçari sezonin e shkuar shënoi 42 gola në 47 ndeshje për PSG në të gjitha kampionatet ku klubi mori pjesë.
