Mundësia e përjashtimit të Bjellorusisë nga EURO 2024, Ceferin thotë fjalën e tij

Pas hedhjes së shortit të Euro 2024, ku Kosova u shortua në grupin I me Bjellorusinë filluan edhe hamendësimet e para, për largimin nga ky kompeticion i kombëtares bjelloruse.

Arsyeja ishte e thjeshtë. Bjellorusia po mbështet ushtarakisht Rusinë në luftën me Ukrainën dhe duke qenë se Rusia është e përjashtuar nga UEFA, tifozët dhe njerëz të botës së futbollit theksuar se kjo kombëtare mund të përjashtohet.

Por për të gjitha këto thashetheme ka ardhur edhe reagimi i presidentit të UEFA-s për “Sport Bild”, Alexander Ceferin, i cili mbron zgjedhjen për të përfshirë Bjellorusinë në shortin e eliminatorëve për Euro 2024.

“Është e thjeshtë të thuash që t’i ndëshkosh të gjithë, për momentin nuk shohim asnjë arsye për ta bërë këtë.

Nëse gjërat ndryshojnë, sigurisht që do të reagojmë. Politikanët duhet të respektojnë ligjin dhe autoritetin tonë vendimmarrës. As nuk u predikojmë politikanëve dhe qeverive se çfarë të bëjnë”, u shpreh numri një i UEFA-s