Mundi thellë Maqedoninë e Veriut, Kombëtarja U-19 nuk kualifikohet në Euro 2022

Ekipi ‘Kuqezi’ i trajnerit Armando Cungu ka fituar me rezultatin 3-1 ndaj Maqedonisë së Veriut në kualifikuesen e fundit për Europianin 2022.

Ishte Mata ai që zhbllokoi shifrat në minutën e 19 përmes një penalltie, duke i dhënë avantazhin përfaqësueses sonë U-19.

Megjithatë në minutat shtesë të pjesës së parë Talakov do të barazonte shifrat për Maqedoninë e Veriut.

Pjesë e dytë e këtij takimi ishte më e mirë ende për djemtë ‘kuqezi’ me Pjeshkën që  3 minuta pas fillimit të këtij fraksioni i dha sërish avantazhin Shqipërisë, ndërsa vetëm 2 minuta pas tij, pra në minutën e 50 ishte Bibo ai që shënoi për Kombëtaren tonë.

Ndeshja u mbyll me shifrat 3-1, megjithatë Shqipëria nuk mundi që të kualifikohej, pas Serbia e vendit të dytë edhe pse me po aq pikë se ne kaloi në fazën tjetër me golavarazh, pasi ka pësuar më pak gola se ne./K.T/Gijotina.com