Në Spanjë, policia arrestoi gjashtë persona në një operacion kundër kultivimit dhe trafikimit të marijuanës që ka zhvilluar në fund të muajit janar në qytetin Espluga Calba.
Plot 2667 bimë marijuanë dhe 27 kilogramë gjethe të thata marijuane u konfiskuan, siç raportoi SEGRE më 25 janar.
Operacioni u krye në datat 17 dhe 26 janar dhe përfundoi me arrestimin e gjashtë personave me kombësi shqiptare dhe spanjolle, të cilët dyshohet se kanë formuar një grup kriminal për trafikun e drogës, i krijuar në Espluga Calba.
Ky operacion ka bërë të mundur çmontimin e shtatë impianteve të brendshme në të cilat kishte pothuajse tetëdhjetë drita dhe transformatorë elektrikë.
Shkas për operacionin policor ishte ndërprerja e energjisë e regjistruar disa ditë më parë që preku gjysmën e qytetit.
Discussion about this post