Situata e shuarjes së zjarrit në ishullin e Sazanit vijon të vështirësohet ndërsa efektivët e FA si duket janë dorëzuar gjatë orëve të para të mbrëmjes. Fakti që në zonë ka akoma municione të pashpërthyera e bën akoma më të ndërlikuar situatën. Shuarja e zjarrit duket e pamundur, edhe pse Forcat e Armatosura dhe zjarrfikësit ndërhynë për të lokalizuar vatrën. Është emergjente nevoja e ndërhrjes nga ajri për të bërë të mundur neutralizimin e flakëve.
Ministria e Mbrojtjes teksa bën me dije se që prej mesditës 61 efektivë të Forcës Detare dhe asaj Tokësore, por edhe punonjës të Agjencisë së Zonave të Mbrojtura dhe forcat zjarrfikëse të Vlorës janë angazhuar për shuarjen e flakëve në ishull, evidenton dhe rrezikun e shpërthimit të municioneve.
Ajo që po ndodh sot në ishullin e Sazanit tregon mëse miri se kapacitetet për fikjen e flakëve me anë të ajrit janë zero, pasi deri tani nuk është njoftuar për angazhim të helikopterëve. A do vijojmë serish të marrim me qira nga privatet dhe të presim nga vendet e tjera te BE si vitet e kaluara? Apo duhet te kemi helikopterët tanë në kushtet kur çdo vit fatura e djegies se pyjeve e kullotave dhe e qerase qe paguhet për helikopterët private është shume me e larte sesa pasja e një flote qofte edhe te vogël helikopterësh shtetërore qe duhet te fikin zjarret çdo vit.
Discussion about this post