Partizani do të zhvillojë ndeshjen e raundit të tetë të Superligës këtë të dielë në orën 13:45 në stadiumin e Kamzës kundër ekipit të Kastriotit.
Duke folur në prag të kësaj ndeshje përkrah trajnerit Ilir Daja, mbrojtësi Emiliano Musta u shpreh se Partizanit i mungojnë vetëm rezultatet, pasi sipas tij kanë bërë lojë të mirë, si dhe ka shtuar se ekipi ka një ngërç psikologjik.
“Në mendimin tim ka munguar vetëm rezultati pasi i kemi dominuar kundërshtarët me lojë. Ne duhet të tregohemi më cinik në fushë pasi shkojmë deri para portës dhe nuk shënojmë. Kemi një ngërç psikologjik dhe me kalimin e javëve do të përmirësohemi”,- u shpreh ai.
Më tej ka shtuar se marrëdhënia me trajnerin është shumë e mirë dhe se në klub ka harmoni.
“Kemi besim te trajneri jonë dhe te stafi pasi çdo gjë shkon mjaft mirë. Kemi harmoni dhe e vetmja gjë që ka çaluar ka qenë finalizimi, shpresojmë që të fitojmë nesër. Futbolli është një profesion që paguan se cili lojtari e mban më shumë presionin. Kemi presion në çdo ndeshje, në stërvitje dhe presioni do të jetë gjithmonë, por besoj se nesër do të kthehemi te fitorja”,-deklaroi ndër të tjera Musta./K.T/Gijotina.com
Discussion about this post