Mungesë hetimesh, GJKKO rikthen dosjen në SPAK për kryebashkiakun e Mallakastrës

Gjykata e Posaçme ka rikthyer në SPAK dosjen për kryebashkiakun e Mallakastrës, Qerim Ismailaj.

Ky vendim ka ardhur pasi, Apeli i Posaçëm nuk mund të gjykojë një dosje ku ka mungesë hetimesh, e për këtë arsye çështja e kryebashkiakut Ismailaj duhet t ë plotësohet,  pasi në të mungonin aktet e komunikimit të akuzës në shtetit fqinj të Greqisë.

Emri i Qerim Ismailajt u denoncua nga selia blu si një nga kryebashkiakët që e kap ligji i dekriminalizimit sepse nuk ka deklaruar dënimin në Greqi. Komisioni i Qendror i Zgjedhjeve vendosi pak kohë më parë të mos i heqë mandatin kreut të baskisë”, thuhet në kallëzim. Qerim Ismailaj ishte ndëshkuar me 3 vite burg në mungesë në Greqi për veprën penale “Konflikti dhe përleshjes”, por në formularin e dekriminalizimit kishte gënjyer dhe nuk e kishte deklaruar këtë dënim. Ismailaj u denoncua nga Partia Demokratike dhe më pas prokuroria nisi hetimet. Ismailaj doli kryebashkiak nga zgjedhjet e 30 qershorit 2019 ku garoi i vetëm. Komisioni Qendror i Zgjedhjeve vendosi që Qerimaj të mbajë postin pasi në Shqipëri, sipas dispozitave ligjore për kundravajtjen e kryer në Greqi, dhunë dhe sherr, në Shqipëri do të dënohej vetëm me gjobë. Gjithashtu në favor të tij është shtuar dhe fakti që kurrë nuk ka qenë i ndaluar nga autoritetet greke duke pranuar pohimin e socialistit se nuk ka pasur dijeni për dënimin.