40 familje në fshatin Dragostunjë të Librazhdit prej vitesh vuajnë mungesën e ujit për vaditje të prodhimeve bujqësore. Lidhur me këtë situatë banorët tregojnë se prodhimet këtë vit u janë tharë pasi nuk kanë pasur mundësi ti vadisin. Ata thonë se janë ankuar, por askush nuk i ka dhënë përgjigje si do zgjidhet problemi tyre.
Fermerët kanë mbjellë misër, por sado që janë përpjekur ta vadisin me mjete rrethanore, nuk ia kanë dalë dot të shpëtojnë prodhimet e veta.
“Erdhën për të sjell ujë të pijshëm. Jemi tharë komplet. I kemi shkulur komplet. 300-vjeçar si kanal nuk kemi asnjë pikë uji. S’po mbjellim dot një spec. Uji është kryesor. Po nuk patëm ujë pse jetojmë këtu. Kryetari i bashkisë ka qenë këtu po s’na ka dhënë asnjë zgjidhje. Ne duam ujë asgjë tjetër. Duket si janë bërë pemët, jonxha. Pikën e ujit s’e ka fshati. I kemi bërë letër Tiranës, asnjë përgjigje nuk marrim.”
Në lagjen Mërqizë të fshatit Dragostunjë jetojnë 40 familje, të cilat çdo ditë përballen me këtë problem.
Discussion about this post