Trajneri i skuadrës së Romës, Jose Murinjo ka folur për ligën e konferencës ku verdhekuqtë marrin pjesë. Ai ka theksuar se dëshiron të fitojë këtë kupë ku finalja zhvillohet në Tiranë ndërsa u ndal edhe tek Marash Kumbulla.
“Do të ketë rrotacion, por është e rëndësishme të ruajmë strukturën, pasi është i rëndësishëm një rezultat pozitiv në një turne sepse hap pas hapi duam të sigurojë kualifikimin në fazën tjetër. Liga e Konferencës? Unë si asistent kam fituar edhe një turne që nuk ekziston më, Kupën e Kupave me Barcelonën në vitin 1997. Do të më pëlqente të fitonim Ligën e Konferencës por tani jemi shumë larg. Mbeten ende shumë ndeshje dhe nuk jam gënjeshtar që të them se nuk më intereson të fitoj.
Nuk di të them nëse kjo skuadër është më e përshtatshme për një kompeticion se sa për një tjetër. Kampionati është shumë më i rëndësishëm se Liga e Konferencës, por unë dua që ekipi të ketë mentalitet të fortë. Duhet të mendojë gjithmonë që ndeshja e radhës është më e rëndësishme.
Nëse luan Kumbulla dhe nuk luan Mançini, atëherë do më pyesësh përse nuk luan ky i fundit. Ose nëse nuk luan Smalling, ndoshta mendon për një problem që ka lidhje me Mançesterin. Katër qendërmbrojtës është numri i duhur. Jam i lumtur me grupin e mbrojtësave të qendrës, kanë karakteristika dhe mosha të ndryshme. Nesër nuk do t’i ndryshoj të dy”, tha Murinjo.
