Jose Mourinho këmbëngul se të gjithë trajnerët duan të luajnë futboll të mirë, por rezultati është gjëja më e rëndësishme, pasi Roma do të përballet nesër me Empolin.
Jose Murinjo duket se ende nuk e ka kaluar humbjen kundër Lazios, dhe vazhdon të ‘thumbojë’ me deklaratat e herë pas herëshme kundër skuadrave të tjera.
Pas humbjes 3-2 në derbi ndaj rivalëve të Lazio, trajneri portugez i Romës u pyet nëse futbolli duhet të përqendrohet më shumë në apektin sulmues apo e rëndësishme ështe administrimi i rezultateve pozitive.
“Rezultati është gjithmonë gjëja më e rëndësishme. Nëse luani futboll sulmues dhe humbni 5-4, atëherë është më mirë të merrni vetëm rezultate 0-0 dhe të merrni një pikë”, ka thënë fillimisht Murinjo.
“Është e pamundur të jesh në krye të tabelës nëse nuk je një ekip i balancuar dhe i kompletuar. Të gjithë trajnerët duan të luajnë futboll të mirë, por unë jam mbi të gjitha i fokusuar në rezultat. Është e mundur të bëhen të dyja, por rezultati është më i rëndësishëm”.
“Gjëja themelore në futboll është të mbrohesh mirë. Ne duam një skuadër që krijon shanse, por gjithashtu të dijë të mbrohet mirë. Ne humbëm dy ndeshjet tona të fundit në udhëtim, pavarësisht se shënuam nga dy gola, dhe kjo është një shenjë e keqe. Pranimi i gjashtë golave në dy ndeshje është shumë”.
“Është e rëndësishme të jemi të kujdesshëm ndaj Empolit, sepse ne i dimë cilësitë e tyre dhe ata janë skuadra që ka bërë më shumë krosime gjatë këtyre gjashtë ndeshjeve të Serie A”.
“Unë vetëm mund të falënderoj tifozët për të gjithë mbështetjen e treguar ndaj ekipit dhe ndaj meje. Kjo është një shfaqje e qartë se çfarë do të thotë të jesh Romanista. Është e lehtë të mbështesësh një ekip që gjithmonë fiton. Ne humbëm dy ndeshje, por kishim qëndrimin e duhur, dëshirën, cilësinë dhe përpjekjen. Një tifoz mund ta ndiejë këtë”, mbylli reagimin Murinjo
