Sulmuesi i Kosovës, Vedat Muriqi ka theksuar në konferencën për shtyp në vigjilje të ndeshjes me Gjeorgjinë se në këtë përballje nuk lejohet hapi fals dhe se humbja me Suedinë duhet lënë pas.
“Ndaj Suedisë nuk bëmë një ndeshje të mirë, pasi u ndëshkuam nga disa gabime tonat, megjithatë jemi gati të kthejmë faqe dhe të synojmë të marrim tre pikët. Atmosfera në grup është shumë e mirë dhe nuk është momenti për t’u marrë me kritika, por për t’u përqendruar te ndeshja e nesërme, ku na duhet të marrim tre pikët”, u shpreh sulmuesi i Dardanëve.
