Futbollisti i Kombëtares së Kosovës, Vedat Muriqi duket se e ka mbyllur eksperiencën në Lazio dhe tashmë pritet t’i bashkohet Fenerbahçes ose Galatasarayt.
Ai nuk ka arritur të bindë me cilësitë e tij në kryeqytetin italian dhe për një periudhë më të gjatë se një vit shqiptari i Kosovës ka shënuar vetëm dy gola.
Së fundmi 27-vjeçari ka postuar një foto në rrjetet sociale, ku tregon se është duke udhëtuar për në Stamboll.
Aludimet janë se ky udhëtim lidhet me rikthimin e tij në Superligën turke, ndërsa interes për Muriqin kanë shfaqur ish-klubi i tij, Fenerbahçe dhe Galatasaray.
Futbollistët e Lazios e kanë pushim këtë javë dhe duket se Muriqi ka shfrytëzuar rastin për ta marrë rrugën drejt kryeqytetit turk. Rikujtojmë se ai u bashkua me Lazion për një shifër prej 18 milionë eurosh me një kontratë që zgjat deri në vitin 2025 , ndërsa nuk përjashtohet mundësia e një huazimi deri në fund të sezonit nga klubet turke./K.T/Gijotina.com
Discussion about this post