Një debat ka shpërthyer në rrjetet sociale pas publikimit të disa fotove nga takimi zyrtar mes kryetares së Këshillit të Lartë të Prokurorisë (KLP), Mirela Bogdani, dhe ambasadorit të Bashkimit Evropian në Tiranë.
Ish-deputeti Myslim Murrizi, ka reaguar me tone mjaft ironike dhe kritike lidhur me etikën zyrtare të drejtuesve të lartë të shtetit shqiptar.
Mollë sherri është bërë veshja e përzgjedhur nga zonja Bogdani gjatë pritjes së diplomatit të lartë të BE-së, e cila sipas Murrizit, kapërcen çdo kufi të protokollit shtetëror.
Ai thekson se pozicioni publik dhe ligji për etikën zyrtare kërkojnë një prezantim serioz, ndërsa stilin e shfaqur nga kryetarja e KLP-së e ka cilësuar si më të përshtatshëm për mjedise argëtimi sesa për zyra shteti ku diskutohet reforma në drejtësi.
Murrizi nuk ka kursyer as ironinë lidhur me “Drejtesinë e Re”, duke e lidhur këtë liri të tepruar në veshje me një frymë “pro-sorosiane” që sipas tij ka pushtuar institucionet. Ai bën një paralelizëm me rastin e anëtarit tjetër të KLP-së, Olger Eminaj, duke lënë të kuptohet se skandalet brenda këtij institucioni po bëhen të zakonshme, qoftë përmes komunikimeve me mesazhe, qoftë përmes paraqitjes vizuale që sfidon normat tradicionale të diplomacisë.
Sipas ish-deputetit, kjo lloj sjelljeje tregon një mungesë serioziteti përballë partnerëve ndërkombëtarë, duke u fokusuar më shumë te dukja sesa te përmbajtja e detyrës fisnike që përfaqësojnë.
Reagimi i plotë i Myslim Murrizit:
Shefja e Olger Eminajt pra kryetarja e KLP ZJ Mirela Bogdani ne nje takim zyrtar me Ambasadoren e BE ne Tirane ZJ Gonzates. Minimalja e etikes zyrtare kerkon nje veshje protokollare formale zyrtare nga çdo funksionar publik ne rrespekt te pozicionit publik qe mban dhe ne zbatim te ligjit te etikes zyrtare. Kjo lloj veshje duket “pak” ekstravagante edhe per ne disko mendoj une ose jam shum i prapambetur. Ose keta te drejtesis se “re” e kane si stil pro sorrosian kete model prezantimi prandaj dhe antari i KLP Olger Eminaj nuk u ndje fare ne siklet dje ne mbledhjen e KLP se ka menduar qe ne fund te fundit ne ne KLP dhe ne çdo hallke te kesaj drejtesie njelloj jemi por dikush e shfaq me sms e dikush me veshje duke treguar shalet tek perendimoret.
Discussion about this post