Me datën 3 prill ka nisur procesi gjyqësor ndaj ish-krerëve të Ushtrisë Çlirimtare të Kosovës të cilët prej më shumë se dy vitesh ndodhen në qendrën e paraburgimit në Hagë.
Avokati kosovar, Skënder Musa, në një intervistë dhënë për “Gazeta Blic” ka thënë se aktakuza ka qenë jashtëzakonisht e dobët, joprofesionale dhe e bazuar në thashetheme.
“Aktakuza ka qenë shumë e dobët, joprofesionale e bazuar në thashetheme por jo në prova materiale. Aktakuza madje e ka tejkaluar edhe kohën kur afati i mandatit sepse ka filluar që nga aksionet e para të UÇK-së dhe jam i befasuar me prokurorin që përmend sulmet e Ushtrisë Çlirimtare të Kosovës ndaj stacioneve të Policisë së Serbisë.
Thuajse sikur Prokurori do me u shpreh sikur Ushtria Çlirimtare ka bërë krime sepse ka luftuar për me tu liruar .
“Mbrojtja ndaj ish-krerëve të UÇK-së ka qenë e fuqishme, ka argumente jashtëzakonisht të mëdha, duhet t’i shfrytëzojë të gjitha argumentet dhe potencialet e tjera që ekzistojnë në favorin e saj. Mbrojtja ka një përparësi sa i përket këtij procesi gjyqësor se të akuzuarit janë jashtëzakonisht inteligjent, që e njohin terrenin, njerëz që janë marrë në mënyrë aktive me jetën politike dhe publike të Kosovës.
Mbrojtja ka qenë në nivel të kënaqshëm, ka arritur të sfidojë çdo provë, çdo indicje të ngritur nga Prokurori. Luftën më të madhe nga mbrojtja e pres në seancat e ardhshme, gjatë dëgjimit të dëshmitarëve dhe paraqitjes së provave” deklaroi Musa në një intervistë dhënë për “Gazeta Blic”./Blic/
Discussion about this post