Përdoruesit e aplikacionit “Twitter” mund të shkruajnë postime të gjata. Deklaratën e bëri pronari i ri i platformës, miliarderi Elon Musk. Ai nuk dha detaje mbi ndryshimet e planifikuara. Sot nëse shkruani në Twitter, postimi nuk mund të jetë më i gjatë se 280 karaktere. Kufiri u dyfishua në vitin 2017, pasi deri atëherë postimet nuk mund të kalonin 140 karaktere.
Diçka e tillë në Twitter është konsideruar gjithmonë si pjesë e hijeshisë së tij ose një pengesë – në varësi të këndvështrimit të dikujt.Musk ka ndërmarrë ndryshime thelbësore në mënyrën se si funksionon platforma që kur e bleu atë për 44 miliardë dollarë në fund të muajit të kaluar.
Discussion about this post