Besnik Mustafaj, ish-ministër i Jashtëm, dhe për vite me rradhë një prej drejtuesve të PD-së, e konsideron rikthimin e Lulzim Bashës në politikën active si të lidhur me vulën e Partisë Demokratike.
Mustafaj shprehet se Bashës, pavarësisht dorëheqjes 1 vit më parë, i është premtuar se do të marrë vulën dhe firmën. Sipas tij, për këtë arsye ai po rikthehet që të marrë PD-në.
“Për mua Bashës i është dhënë premtimi se vula do i mbetet dhe ai po kthehet për të marrë vulën dhe firmën.
Nuk besoj se ngjall ndonjë shpresë në opinionin publik. Dorëheqjen e Alibeajt e shoh të lidhur me shfaqjen e Bashës. Ai po rikthehet për të marrë një parti që nuk e ka dorëzuar kurrë. Besoj se 6 muaj mjaftojnë për bashkimin e PD-së, por problemi është te vullneti politik”, theksoi Mustafaj.
Discussion about this post