Në Konferencën ndërkombëtare për projektin e Muzeut të Artit dhe Trashëgimisë Islame, kryeministri Rama tha se ky është një stacion kyç i historisë së kombit tonë.
Më tej, Rama tha se në Shkodër do të ketë një tjetër muze që do i dedikohet martirizimit të Klerit Katolik duke plotësuar kështu mozaikun e munguar të fesë.
Sakaq, Muzeu i Artit dhe Trashëgimisë Islame do të jetë një qendër e re kulture që i mungon kryeqytetit, ku do të ekspozohen objekte e libra me vlerë të rrallë.
“Ky është një stacion kyç i historisë sonë si komb, qytet dhe kryeqytet.
Besoj se talenti i padiskutueshëm i arkitektit që është autor i një tjetër muzeu, Muzeut Marubi në Shkodër, që është dhe projektuesi i Muzeut të ri Kombëtar me ndërhyrje të rëndësishme arkitektonike është një garanci.
Po punon për një tjetër muze në Shkodër që i dedikohet martirizimit të Klerit Katolik. Kështu plotësojmë mozaikun e munguar të fesë.
Dua të falenderojë djemtë e institutit për dashamirësinë dhe kurajon për të nxitur këtë nismë dhe për të vënë në dispozicion koleksionin e tyre.
Eshtë e rëndësishme pjesëmarrja e tyre sepse një sfidë e madhe është dhe administrimi, organizimi i të përditshmes së tyre.
Nuk është çështja thjesht të bëjmë një muze statik. Fjala është të kemi një muze të gjallë dhe aktivitete ekspozitash, performancash dhe diskutimesh. Pjesëmarrja e organizatës është garanci për një muze të gjallë.”
Discussion about this post