Gjatë ditës së sotme në Bashkësinë Islame të Kosovës shkoi për vizitë diplomatja kryesore e Zyrës së Greqisë në Prishtinë Heleni Vakali. Kur mediat raportuan për këtë ngjarje, si kryetitull doli kërkesa e Myftiut Tërrnava që kërkoi njohjen e Kosovës nga Greqia.
Por, vetë BIK prodhoi edhe një lajm kur i ripublikoi fotografitë e takimit të prera. Sipas standardeve fetare, fustani i diplomates greke ishte shumë i shkurtër për këtë takim, dhe zyrtarët në BIK vendosën t’i shkurtojnë ato duke i dërguar në një format të ri. Ngjarja u komentua gjatë gjithës ditës në rrjetet sociale.
Njoftimi zyrtar i Bashkësisë Islame në Kosovë.
Kryetari i Bashkësisë Islame të Kosovës, Myftiu Naim Tërnava, ka pritur ditën e sotme në takim udhëheqësen e Zyrës ndërlidhëse të Greqisë, ambasadoren znj. Heleni Vakali.
Myftiu Tërnava e njohu mysafiren me historikun, punët dhe aktivitetet që i zhvillon institucioni i Bashkësisë Islame të Kosovës. Ai tha se BIK-u vazhdimisht ka luajtur një rol kyç në mbarëvajtjen e tolerancës dhe harmonisë ndërfetare në vend. Myftiu Tërnava kërkoi nga ambasadorja Vakali një angazhim më permanent për njohjen sa më parë të pavarësisë së Kosovës nga shteti i Greqisë.
Nga ana e saj, ambasadorja znj. Vakali, falënderoi Myftiun Tërnava për pritjen dhe për angazhimin e tij dhe të Bashkësisë Islame të Kosovës që në Kosovë të mbretërojë një frymë paqeje e harmonie ndërmjet qytetarëve të vendit pa dallim feje a kombësie. Meqë jemi në prag të festës së Kurban-Bajramit, ambasadorja Vakali uroi Myftiun Tërnava dhe gjithë besimtarët myslimanë për këtë festë.
Fotografia zyrtare.
Fotografi e censuruar.
Discussion about this post