Shqiptari i skuadrës së Ferencvarosit, Myrto Uzuni mund të konsiderohet si një nga lojtarët ‘Kuqezi’ të momentit në Europë.
Së fundmi beratasi është shpallur si lojtari i vitit në klubin e tij, pas golave të njëpasnjëshme që i dhuroi skuadrës hungareze në Champions League deri në këto momente.
Ky lajm është bërë publik nga vetë sulmuesi përmes një postimi në ‘Instagramin’ e tij ditën e sotme ku shkruan se më e mira po vjen.
“Ndihem shumë i lumtur që mora çmimin si lojtari i vitit 2020/2021. Falënderoj familjen time, shokët e skuadrës, stafin e trajnerëve, bordin drejtues për mbështetjen dhe për sezonin e kaluar që lamë pas. Luani është i uritur, më e mira po vjen… ‘’,-shprehet ai.
Ndërsa rikujtojmë që mbrëmjen e sotme në orën 20:00 ai do të luajë përballë Slavia Pragës për raundin e tretë eliminator të Champions League./Gijotina.com
