Myslim Murrizi e ka lënë të hapur mundësinë e bashkëpunimit me Partinë Demokratike dhe çdo subjekt politik të qendrës së djathtë nga shtatori. I ftuar në studion e ABC, Murrizi përjashtoi bashkëpunimin me LSI duke theksuar se do të mbetet brenda të djathtës.
“Nuk e konsideroj LSI parti anti komuniste. Mbetem brenda të djathtës. Si mund të jem unë me marksist leninistë. Do të jem në sinkron me ato parti të spektrit politik të qendrës së djathtë. Nga PD dhe çdo parti me qendër të djathë. Nuk kam pasur komunikim me Lulzim Bashën. Luli nuk është pronar i PD. Është kryetari i shtatë. Nuk kam ardhur në PD për asnjë kryetar por si një shqiptarët me mllef në revoltë kundër Ramiz Alisë.
Kush ka qenë në pushtet. Kam reaguar me qëndrim. Politikani nuk matet shumë nga çfarë por nga qëndrimet dhe veprimet e tij. Kur kam mbledhur firmat për partinë kam pasur Arlind Çarçanin, Halit Valterin. Jam i hapur për cilindo nga këta dhe ata që kanë qenë para tyre në cilindo subjekt politik të qendrës së djathtë. Shpresoj që vendimi i Kushtetueses do të jetë i drejtë. Besoj se do të ketë shumë njerëz që do vijë te Lëvizja Demokratike Shqiptare sepse shohin garë të hapura”, u shpreh Murrizi.
Ai u shpreh se një pjesë e vogël e deputetëve të opozitës, duke veçuar ata të partive të vogla aleate do të kenë flirt me maxhorancën për miratimin e ligjeve në legjislaturën e ardhshme. Murrizi deklaroi se gjatë kohës që vendosi të qëndrojë në Kuvend pas djegies së mandateve, ka arritur sa i duhet të arrijë një partie opozitare gjatë mandatit të saj, duke e quajtur të gabuar pretekstin e opozitës për të dalë në Kuvend për shkak të mospërfshirjes në vendimmarrje. Ai shtoi se në do paraqesë kandidatë në zgjedhjet lokale të ardhshme.
“Një pjesë e vogël nga 59 deputetët do ketë flirt me maxhorancën për të mbërthyer ashtu si dinë të bëjnë këto. Ish funksionarët e lartë të PS janë deputetë të PD dhe anasjelltas. Këta bashkë kanë qenë. Benet Beci erdhi nga PD, sot është deputet i PD. Idrizi dhe Mesila Doda. Katër vjet në qeverisje me Ramën zgjodhën dhe Metën president.
Kam arritur më shumë se arrin një opozitë gjatë mandatit të saj. Opozita në të gjithë botën pa u marrë me këta që nuk na pyet Rama prandaj po djegim mandatet. Më gjeni një vend të botës ku opozita bën ligje. Opozita ka fjalën për të kundërshtuar. Kam dy vjet që kam artikuluar në parlament dallaveret që këta kanë me njëri tjetrin. Kam denoncuar tre tendera në organet e drejtësisë. Këta janë njerëz që kërkojnë përmes ofiqeve të fshehin të kaluarën e tyre“, tha ai.
