Kreu i Lëvizja Demokratike Shqiptare, Myslim Murrizi u shpreh sot gjatë një debati televiziv se Amerika ka bërë njeriun e vitit Adrian Dvoranin. Sipas tij janë vënë ne vetting persona që janë të zhytur në krim dhe korrupsion. Sipas tij, për të mbuluar këto pazare vjen në Shqipëri Escobar.
“Escobar vjen në Shqipëri që të bëjë aleancë me individë që kanë dosje në drejtësinë shqiptare? Amerika ka aleatë shqiptarët. Kam parë 30 vite deklarata e tyre. Ata kanë bërë njeriun e vitit Adrian Dvoranin, kanë futur Sokol Sadushin dhe gjithë drejtuesit e sigurimit. Janë votuar 27 vetinguesit që janë llumi i drejtësisë shqiptare dhe janë votuar në presion. Amerika kërkon stabilitet, unë kërkoj demokraci. Nëse Amerika shkon dhe takon një hajdut në zyrë dhe i kërkon që të luftojë korrupsion, atëherë është e pabesueshme, nëse i kërkon Ben Ahmetajt që të fusë në burg të korruptuarit për mua tallet”, u shpreh Murrizi, ndërsa u shpreh se çdo gjë tjetër po ndodh në politikën shqiptare është pazar.
Discussion about this post