Kandidati për deputet dhe ish-nënkryetari i Kuvendit, Myslim Murrizi, ka publikuar një dokument zyrtar të Këshillit të Ministrave, i cili hedh dritë mbi mbështetjen shtetërore që Fondacioni “Soros” ka marrë në Shqipëri. Në postimin e tij në Facebook, Murrizi kundërshton pretendimet e disa analistëve dhe politikanëve mbi rolin e Partisë Demokratike në praninë e këtij fondacioni në vend.
Ai publikon një vendim të Këshillit të Ministrave, të datës 10 janar 1992, sipas të cilit qeveria e asaj kohe i garantonte Fondacionit “Soros” zyra pa qira dhe një apartament banimi me qira të paguar nga shteti.
Postimi i Murrizit
Nga një krahasim i fakteve historike, rezulton se ky vendim është marrë gjatë qeverisë së kryeministrit Vilson Ahmeti, i cili drejtonte ekzekutivin para zgjedhjeve të marsit 1992, kur Partia Demokratike fitoi shumicën dhe Aleksandër Meksi u bë kryeministër më 13 prill 1992.
Kjo do të thotë se vendimi për të krijuar kushtet për Fondacionin “Soros” në Shqipëri është marrë nga qeveria e fundit komuniste, e cila ende drejtonte vendin në fillim të atij viti. Këto fakte duket se mbështesin pretendimin e Murrizit, i cili thekson se PD nuk kishte lidhje me këtë proces, pasi nuk kishte ardhur ende në pushtet.
Discussion about this post