Ish-deputeti Myslim Murrizi ka folur sot lidhur me “luftën” për selinë blu mes Berishës dhe Bashës. Murrizi theksoi se do të ketë vetëm një Kuvend sepse sipas tij, kjo nuk është një dasmë. Ndërsa shtoi se vetëm një Kuvend do të tregojë se cilën rrugë zgjedhin demokratët.
“Besoj që një Kuvend do të bëhet. Nëse janë shifrat që thotë Këlliçi nuk besoj se ka delegatë që të shkojnë të dasma tjetër. S’ është dasme të shtunën te goca, të dielën te çuni. Dy Kuvende për mua është gallatë”, tha Murrizi.
Më tej ai nënvizoi se nëse do të ishte delegate d0 të shkonte në Kuvendin e datës 11. “Nëse do isha delegat do shkoja në datën 11 sepse është thirrur nga ata që e mbajnë gjallë PD”, u shpreh ai, duke kërkuar që kjo “luftë” të marrë fund sa më parë sepse po dëmton opozitën dhe i hap rrugë Edi Ramës.
Discussion about this post