Pasi u mbyll mbledhja plotë debate e selisë blu, ka reaguar në një deklaratë publike deputeti Xhelal Mziu. Ai u shpreh se Partia Demokratike nuk fiton dot e përçarë. Ai i bën thirrje të gjithë deputetëve të Partisë Demokratike se, ata duhet që të marrin përgjegjësinë të gjithë dhe se të hartojnë një platformë zgjedhjesh dhe bashkimi.
“Të përçarë nuk fitojmë. Në Dibër më 6 mars dy pjesët e PD morëm 9 mijë vota, nga 17 mijë që morëm si opozitë në 25 prill. Duhet të marrim përgjegjësinë si grup parlamentar. Për të hequr dorë nga gjykatat dhe nga procesi i njëanshëm. Të hartojmë një platformë zgjedhjesh e bashkimi. Me dy palët në terren. Zgjedhje seksioni, grup seksioni dhe kryetar dege deri në korrik. Dhe në shtator kuvend kombëtar përbashkues”, tha Mziu.
Sakaq, kjo mbledhje sot që duhet të shërbente për bashkimin e demokratëve dhe zgjidhjen e krizës brenda PD, duket se përçarjen e ka bërë edhe më të thellë. Mbledhje e Grupit Parlamentar të PD, që ishte thirrur nga Enkelejd Alibeaj si kryetar i saj, në fakt u drejtua nga Sali Berisha, i cili që në nisje të fjalës së tij i kërkoi dorëheqjen Alibeajt si kryetar grupi. Këto situata sollën përplasje dhe debate mes deputetëve.
Discussion about this post