Prej pesë ditësh në protestë marrin pjesë edhe personat me aftësi të kufizuar. Ata shprehen se nuk in përballojnë dot çmimet as për ilaçet që duhet të blejnë dhe aq më keq për shpenzime të tjera. Një prej tyre është Flamur Bala i cili ka ardhur nga Durrësi, ai tha se makinat që përdorin për terapi punojnë me naftë, por tani që nuk përballojnë dot çmimin e naftës do të mbeten pa bërë terapi.
“Unë sot kam ardhur nga Durrësi dhe mora faturën e naftës me vete. Si mund ta përballojë një person me aftësi të kufizuar këtë çmim nafte. Persona me aftësi të kufizuar s’kanë buxhet dhe ekonomi për t’i futur naftë makinës. Por nuk është vetëm kjo sepse janë rritur dhe çmimet e ushqimeve. Ne e kemi të nevojshme makinën për të bërë terapi. Sot kam dalë në emër të çdo shqiptari sepse gjendja po vështirësohet”, tha Bala. Ndërsa u shpreh se qeveria vazhdimisht ka gënjyer dhe nuk iu vjen kurrë në ndihme atyre si persona në nevojë.
Discussion about this post