Troian Bellisario dhe bashkëshorti i saj Patrick J. Adams mirëpritën fshehurazi në muajin maj fëmijën e tyre të dytë së bashku, një vajzë, të cilën e pagzëzuan me emrin Elliot Rowena Adams.
Aktorja e “Pretty Little Liar” postoi një foto bardhë e zi në Instagram, ku shihej duke mbajtur të porsalindurën në duar.
“Elliot Rowena Adams u bashkua me ne më 15 maj. Një erë krejt e re për këtë familje. Mirësevjen, dashuria ime”, shkroi Bellisario krahas fotos.
Adams, 39 vjeç, gjithashtu ndau lajmin e gëzueshëm në llogarinë e tij në Instagram së bashku me një foto të gishtave të vegjël të vajzës së tij të vogël në dorë.
“+ 1… .. Mirësvjen në shtëpi Elliot Rowena Adams. Qoftë jeta jote aq unike dhe emocionuese sa ardhja jote”, shkroi ai të enjten.
Po ashtu ndjekësit e dyshes vërshuan për të uruar çiftin për shtimin e anëtarit të ri në familje.
Bellisario dhe ish-ylli i “Suits” tashmë janë prindër edhe të një vajze 2-vjeçare, Aurora.
Të dy shtatzënitë e aktores u mbajtën të fshehta, megjithëse shtatzënia e parë e Bellisaro u zbulua kur ajo u pa me barkun e rrumbullakosur ndërsa ishte me pushime në Greqi.
Kujtojmë se çifti u kurorëzua në dhjetor 2016 në Kaliforni pas tetë vitesh lidhje.
