Banorët e Kombinatit kanë dalë sot në protestë pasi rrezikojnë të mbeten në mes të katër rrugëve. Banesat e tyre u shembën pasi u dëmtuan nga tërmeti i nëntorit, ndërkohë kanë dalë sot para mediave duke denoncuar se prej muajsh nuk po marrin bonusin e qirasë.
Ata janë zhvendosur në disa banesa, por janë shprehur se bashkia dhe qeveria po u vonon bonusin, teksa pronarët e kërkojnë në datë fikse. “Vajti data 8 nuk na e kane hedhur bonusin e qirasë. S’kanë dalë emrat, ne duhet të na dilnin emrat para, u del atyre 40 vetave që kanë zënë Kombinatin, le ti marrin ata, po ngordhim, me mirë të na pushkatojnë, është bërë jeta e pamundur. Ka raste që vonohen 2-3 muaj, do dal në rrugë të madhe, bashkë me kalamajtë, jemi bërë si Robin Hudat e malit. Ne ishin të tërmetit, kam fjetur 4 muaj jashtë, erdhën afganët i futën në hotele, jemi të masakruar, jo të deskriminuar, më mirë të na fusin plumbin e të na vrasin. Pronarët na i kërkojnë në data fikse”, u shpreh një banor.
Ata shprehen se sot është data 8 dhe ende nuk u është dhënë teksa kjo gjë është e përsëritur teksa rrezikojnë që t’i përzënë nga shtëpia.
“Ne s’kemi siguri, mund të mbetemi pa shtëpi me këtë qeveri e bashki, lekët janë po këta, data 8 sot, kur do i marrim , të na përzjenë nga shtëpia. Ka vonuar, edhe 2 muaj e gjysmë pa i marrë, hiç gjë. Ne jemi sot që flasim edhe të tjerët. Janë shumë familje që e marrin me vonesë. Të gjithë janë jo vetëm ne, kur kalojnë, kalojnë për të gjitha. Bashkia të na bëj shtëpitë, të vemi në shtëpitë tona, të na hedhin gjëkundi. Ku janë shtëpitë që po bëhen, s’kemi qeveri dhe bashki” shpreh një tjetër. Ata paralajmërojnë se do të dalin në protesta të ashpra, për shkak se qeveria po tallet me ta dhe nuk mban fjalën e dhënë, ndërkohë që kanë kaluat kaq vite nga tërmeti dhe ata nuk e din ende se kur do të marrin hyrjen që iu takon.
Discussion about this post