Banorët familjarë që jetonin në konviktet e Qytet Studentit që janë shembur nga tërmeti i vitit 2019, kanë protestuar ditën e sotme para kryeministrisë.
Me parulla në duar ata kanë kërkuar që të përfshihen sërish në programin e rindërtimit, pasi i hoqën nga aty. Po ashtu ata kanë theksuar faktin që bonusi i qirasë u është ndërprerë më 27 dhjetor.
“Pas tre vitesh vazhduam me bonusin e qirasë por më 27 dhjetor na thanë se jemi skualifikuar nga programi i rindërtimit. Por pse, lajmi ishte më i rëndë. Cfarë e shtyu kryetarin e bashkisë të ndryshojë qëndrimin. Tërmeti ishte i tmerrshëm.
Mos na hidhni në rrugë. Ju keni në dorën fatin tonë. Bonusi është ndërprerë 27 dhjetor. Neve nuk po i marrin celësat e shtëpisë sonë. Jemi 115 familjarë. Na i premtuan banesat në zonën e 5 majit”, tha një prej banorëve.
Discussion about this post