Skandali me pronat në jug të vendin po merr përmasa të mëdha.Familja Koço kërcënon se do të ngujohet pasi pronën ku pretendojnë se jetonin prej katër brezash ua kanë shembur. Në një prononcim për FaxNews, Andon Koço shprehet se do të ngujohet familjarisht deri në momentin që do tu japin zgjidhje.
Ai thotë se ka foto që tregojnë lidhjen e tyre me tokën ku ishte shtëpia që u kanë shembur, por që askush nuk ua ka marrë parasysh.
“Këtu duhet të shtëpia jonë, na e shembën. Familja ime prej katër brezash ka jetuar këtu. Ka foto që dëshmojnë lidhjen tonë me tokën. Nuk do të zmbrapsemi, do të ngujohemi. Nuk do të bëjmë hapa pas, duam zgjidhje,” thotë Koço.
Familja Koço vijon prej muajsh betejën për tokën e saj në Jalë. Gjykata e Shkallës së parë në Vlorë vendosi pro familjes Koço, ndërkohë që në Apel iu hap rruga ndërtimit të resortit. Familja Koço ka ngritur dy padi të tjera kundrejt kompanisë që po ndërton. Sipas familjes Koço kompania po ndërton me dokumente të faksifikuara nga ALUIZN-i i Vlorës në vitin 2018.
Discussion about this post