Rritja e çmimeve të karburanteve dhe të produkteve të shportës ka qenë një ndër shqetësimet që kohët e fundit populli shqiptar po e përjeton shumë keq.
Mosdakortësinë me lëvizjen e çmimeve ata e kanë shprehur dhe nëpërmjet protestave të realizuar.
Avokati Adriatik Lapaj e cili ka qenë një ndër zërat e protestave kundër rritjes së çmimeve, ka reaguar përmes një postimi në Facebook lidhur me luhatjet e çmimit në Bursën Brent i cili ka rënë në 110.30 dollarë.
Po ashtu, avokati shkruan se kur u rrit çmimi në bursë, Bordi i naftës e fiksoi çmimin në treg, ndërsa sot që ka pësuar ulje, çmimi nuk duhet të ishte më i lartë se 223 lekë litri.
Ndërsa sot, në të gjithë vendin çmimi i naftës është 261 lekë/litër.
“Sot çmimi i naftës në Bursën Brent ka rënë në 110.30 dollarë. Në datën 4.04.2022 çmimi i naftës në bursën Brent ka qenë 108.15 dollarë dhe atëherë Bordi i naftës e fiksoi çmimin në treg 219 lekë për litër. Me çmimin që sot ka nafta në bursë dhe standardin e bordit në dt. 8.04.2022 sot çmimi i naftës nuk duhet të ishte më i lartë se 223 lekë litri. Jemi të vjedhur! Ndërkohë, sipas vendimit të fundit të Bordit çmimi i naftës nga niveli rekord prej 265 lekësh për litër, e ul në 261 lekë për litër,”-shkruan Lapaj.
Discussion about this post