Kryeministri Edi Rama ditën e sotme është pyetur edhe për naftën kontrabandë që ka ardhur në Shqipëri ditët e fundit, konkretisht anija e nisur nga Libia me rreth 2200 tonë naftë dhe thyerjen e embargos ndaj këtij shteti.
Rama nuk dha një përgjigje duke thënë se ai “nuk merret me anije”, ndërsa shtoi se çështja i takon organeve të drejtësisë.
“Nuk merrem me anije, çështja i takon organeve të drejtësisë, policia ka bërë detyrën dhe nga ana tjetër sikur edhe media të bëjë detyrën e vet dhe të mos përdor fuqinë e saj për të dezinformuar apo për të sulmuar dhe për të vënë gjoba qoftë për autoritetet shtetërore qoftë për objekte biznesi, kjo do ishte një kontribut për ta bërë Shqipërinë më të mirë”, tha Rama.
Discussion about this post