Prej disa ditësh çmimi i naftës në vendin tonë ka arritur në vlera rekord, gati 200 lekë. Në lidhje me këtë problematikë kanë folur në një prononcim për mediat drejtuesit e furgonave për linjat ndërqytetase, por edhe taksistët, të cilët paralajmërojnë se do të rrisin çmimin e biletave. “Është shumë e papërballueshme, nuk e dim se çdo bëhet por me këto të ardhura nuk e përballojmë dot. Do detyrohemi edhe në të rrisim çmimin e blietave, nuk kemi zgjidhje tjetër. Se di jo..”, u shpreh një shofer furgoni.
Rritja e çmimit nuk dihet kur ndalet, por ajo që dihet është se kjo po rëndon direkt në xhepat e konsumatrëve. Në krahasim me shtetet e tjera të Evropës, në vlerë absolute Shqipëria renditet e 15-a sa i përket kostos së një litri karburant, me rreth 1.8 USD/litër, pas shteteve të tilla si Greqia, Norvegjia, Suedia, Zvicra, Italia, Danimarka, Belgjika Franca, që kanë të ardhura shumë më të larta.
Discussion about this post