Punëtorët e rafinerisë në Ballsh kanë dalë sërish në protestë këtë të mërkurën, ku kërkojnë nga qeveria pagat e prapambetura nga puna e tyre në rafineri. Ata janë mbledhur në protestë para uzinës teksa prej ditësh theksojnë se kanë informacione se uzina do të shitet për skrap duke theksuar se nuk do ta lejojnë një gjë të tillë.
“Edhe sikur të na thonë atë ju lutemi hajdeni punoni, mirëmbajeni nja dy javë, ne vijmë punojmë pa lekë, e mirëmbajmë atë uzinë me qëllim që ajo të vihet në punë.”
“Ne pa marrë pagat e prapambetura, ne nuk ndalemi.”
“Kërkesa jonë nuk ka më fjalë për të folur, është shumë e qartë. Kërkojmë rrogat e prapambetura dhe vijueshmërinë e punës. Llafët tona po bien në vesh të shurdhër, nga qeveria e nga kryeministri s’kemi ndonjë reagim, kur 15% e kanë këto në dorë të kësaj rafinerie.”, shprehen protestuesit.
Punojnësit e rafinerisë shprehen se nuk kanë marrë asnjë përgjigjie nga instancat shtetërore, ndonëse kanë kërkuar vazhdimisht një përgjigjie.
“I bëjmë thirrje qeverisë, kryeministrit, instancave që iu takojnë të vijnë të sqarojnë çdo gjë. Do shkrihet, do punohet, do marrim ne atë që na takon sipas ligjit. Nuk duam asnjë gjë jashtë ligjit, të gjitha ato që na takojnë i duam. Banka e ka marrë pjesën e saj, mori e lëshoi me qera, mori paratë që humbi, ndërsa ne si punëtorë ende s’kemi marrë.”
“Deri tani s’na ka thënë njeri ne asnjë gjysëm llafi, thjesht kemi dëgjuar atë, që u miratua ajo 2-vjeçarja…edhe atë po t’a marrim se edhe atë gënjen ai kryeministri.”
Mbyllja e uzinës sipas tyre do të ishte fatale për vijmësinë e jetës në këtë zonë, pasi siç ato theksojnë kjo rafineri ka rol kyç në ekonominë e zonës, ndaj shkrirja e saj do të sillte shpopullim.
“Ne pa marrë pagat e prapambetura, ne nuk ndalemi.” “Qeveria t’a mendojë mirë se zona do të ngelet shkretë, Mallakastër nuk do të ketë më, të harrojë ai se do ngelet njeri në Ballsh apo fshatrat përreth.”
Discussion about this post