Naftëtarët e Ballshit kanë zhvilluar protesta të vazhdueshme përpara godinës së Uzinës, ku kërkojnë që rafineria të rivihet në funksion dhe të mos shitet për skrap. Disa nga punonjësit e rafinerisë së naftës, të cilët kanë qenë pjesë e protestave gjatë këtyre ditëve raportohet se janë shoqëruar në polici. Sipas burimeve, ata do të pyeten mbi protestën e organizuar këto ditë. Gjithashtu, protestuesit akuzohen se kanë prishur derën kur kanë tentuar të kalojnë portën e rafinerisë, si dhe kanë kundërshtuar rojet private të vendosur në ruajtje të objektit.
Më shumë se 800 naftëtarë kërkojnë rihapjes e rafinerisë, pasi janë shprehur se ajo do të shitet për skrap. Ata theksojnë se mbyllja e uzinës do të shpopullonte zonën ku banojnë, pasi rafineria është e vetmja formë punësimi për ta. Pjesa më e madhe e tyre kanë fituar edhe gjyqin për të marrë rrogat e pa dhëna gjatë viteve, por ende nuk kanë marrë asnjë lekë. Qeveria vendosur një rrogë prej 300 mijë lekësh në muaj për të gjithë naftëtarët që nuk arrijnë të gjejnë punë për 3 vitet e ardhshme, por kërkesa e tyre është rifillimi i punës, në vendin ku kanë punuar prej shumë vitesh.
Discussion about this post